Hotel Union Geiranger

Velkomen inn i naturen sitt mektige rom med stupbratte fjellveggar, med fossar som draperi og ein storslått fjord. Hotel Union Geiranger ligg midt i hjartet av Noregs vakraste natur.

Sjølv dei mest blaserte gir seg over i begeistring over synet av fossar og stryk, Geirangerfjorden og fjellgardane med sine utrulege historier. Vi ønskjer deg varmt velkomen til eit opphald med uforgløymeleg service, god, lokal mat laga av utsøkte råvarer, spa for velvære og ro, og verdas vakraste fjord rett utanfor vindauga.

Meir enn hundre år med kvalitet og personleg service er ikkje tilfeldig. Vi veit at gode opplevingar blir skapt av små, gjennomtenkte detaljar. I dag blir Hotel Union drive av fjerde generasjon Mjelva. Både stab og vertskap er stolte over å få lov til å oppfylle små og store draumar for gjestene.